رسالة من أمي
أمي .. أجمل ُ الكلمات ِ وأحلاها وأطيبها .. أمي .. كل ُعام ٍ وأنت ِ لي وطنٌ
محمد المنصور
يا أبني گتلي ...
شهر .. شهرين .. أولوّن كثرن
سنه وتعود أليّه.
وأحسبتهنْ ...
يوم .. يوم ... وساعه .. ساعه
وما شفتْ منك رجيّه.
وألسنه جرّتْ
وراها سنين .. وسنين
وخلص عمري .. ودمعتي بخدي جريّه.
إنحنه ظهري يا يمه
وشابْ راسي
وگلتْ حكم الزمن .. والزمن يا أبني عليّه.
أولمن گليبي تِفَطر
ونگظ حيلي .. ورگد شوفي
وعيني إلدربك ربَيّه.
يقنتْ تالي ما تالي
والعمر ما بيه تالي
أيّستْ منك يا غالي .. وما أظن لك يا أبني جَيّه.
