Li sipêdehiya roja 21.02.2009 li Bonn ê xwîndkarê Kurd " Vehêl " kete ber hêrisha hind kesên ne niyas!
Vehêl Tehsîn jiyê 25 salî xwîndkarê Zanîngeha Köln Kolîja Kargêrî û Aburî xelkê başûrê Kurdistan´ê, li gereka ( Mihela ) Bonn Buel – Brucken Forum a bajêrê Bonn´ê rastî hêrişekê hat.
Hêrişkara destpêkê Sprey reşandin ser rû yê Vehêl, piştre jî ew xistin erdê û ji bû mirinê lêdan.
Xwîndkarê Kurd li nexwoşxaneya Uni Klinik a Bonn´ê di komayê de ye û rewşa wî gelekî xirabe.
Taku Polîs gehiştin cihê bûyerê, Kesên ku hêrîş kirîn ji cih reviyan û ta niha nasnama wan nehatiye zanîn û kes jê nizane çima hêrişî Vehêl kirin.
Tehsîn Doskî babê Vehêl, bu dezgayên ragehandinê wiha gut " Nizanim buçî û li ser çi eger wan hêrişî korê min kirine, problêm çiye, ew kîne, wan çi dixwasit ".
her weha babê Vehêl´berdewamî da axiftina xwe " Min peyiwendî bi Polîs kir, rojên pêşme ezê biçim ba wan, ew lêgerina xwe berdewam dikin, bu derxistina nasnameya bikerên bûyerê".
Kak Tehsîn, daxwaz dikit, kesên ku ev bûyer bikar anîne bigehin dadgehê û bêhêne sizadan bi goreyî yasayê, ew yasa li ser me hemiya ye, tulvekirina me wê bi rêya yasayê be.
Hevalekî Vehêl, xelkê Iran´ê ye ji nejadê Farise, dema ku bûyer rûdayî ew jî pêra bu weha behsa bûyerê kir " Ez û Vehêl digel 3 hevalên me ji malê derketîn û me gut em biçin Bonn´ê şeva xwe derbaz bikin, dem nêzîkî 4 dibe 4 û 30 yê berbangê ( Sibê ) em li nêzîkî pira kennedy buyin, di demekî da 3 xort bu aliyê me ve hatin, hêrişî me kirin spray havêtin me, pir li ser rûyê Vehêl ket û demil dest Vehêl ket erdê 2 kes ji wan ketin ser canê wî û ji bu mirinê lêxistin, 1 jî bi min ve mijul bu"
Hevalê Vehêl, lêdan xariye, berçavê wî û serê wî jî, lê lêdaneka mîna a Vehêl ne buye.
Dayîka Vehêl´( Refîqa ) weha gut " Eve 15 sale em li Elmaniya û vê herêmê jiyan dikin, ta niha me çi kêşe ne bune, bi tayibet lawê min Vehêl, hîç rojekê namek, cem xwandingeh´, polîs an li cihekê din bu me nehatiye, ku behsa xirabiyên Vehêl kiribît, ez ji korê xwe memnon bum, lê ev kesên neniyas, bi hovîtî hêrişî wî kirine û xistine ber mirinê, bêyî ku hîç egerek hebît".
سپێدهیا رۆژا 21/2/2009 ل بۆنن- ێ قوتابیێ کورد "ڤهھێل " کهته بهر ھێرشا ھند کهسێن نه نیاس ل ئهلمانیا !
ڤهھێل تهحسین د ژیێ ٢٥ سالی دایه قوتابییه ل زانینگهھا کولن کۆلیژا کارگێری و ئابوری خهلکێ باشوورێ کوردستان یه ، ل گهرهکا بۆنن بوعهل– بروجکهن فۆروم یا باژێرێ بۆننێ ل وهلاتێ ئهلمانیا توشی هێرشهکێ بوو .
ھێرشکارا دهستپێکێ سپرهی رهشاندن سهر وچاڤێن ڤهھێل، پشتره ژی ئهو خستن ئهردێ و ژ بوو مرنێ لێدان.
خویندکارێ کورد ل نهخوۆشخانهیا ئون کلنک یا بۆنن- ێ د کۆمایێ دهیه و رهوشا وی گهلهکی خرابه.
تاکو پۆلیس گهھشتن جھێ بوویهرێ، کهسێن کۆ ھێریش کرین ژ جھ رهڤیان و تا نھا ناسناما وان نهھاتیه زانین و کهس ژی نزانه چما ھێرش ل ڤهھێل کرن.
تهحسین دۆسکی بابێ ڤهھێل، بو دهزگایێن راگهھاندنێ وھا گوت "نزانم بوچی و ل سهر چ ئهگهر وان ھێرش ل کۆرێ من کرنه، ئاریشه چیه، ئهو کینه، وان چ دخواست ".
ھهر وهھا بابێ ڤهھێل بهردهوامی دا ئاخفتنا خوه "من پهیوهندی ب پۆلیسان کر، رۆژێن پێشمه ئهزێ بچم با وان ، ئهو لێگهرنا خوه بهردهوام دکن ، بو دهرخستنا ناسنامهیا بکهرێن بوویهرێ ".
کاک تهھسین، داخواز دکت ، کهسێن کۆ ئهڤ بوویهر بکار ئانینه بگهھن دادگهھێ و بێھێنه سزادان ب گۆرهیی یاسایێ ، ئهو یاسا ل سهر مه ھهمیای ه، تولڤهکرنا مه وێ ب رێیا یاسایێ به.
ھهڤالهکی ڤهھێل، خهلکێ ئیرانێیه ژ نهژاد فارسه، دهما کۆ بوویهر روودایی ئهو ژی پێرا بو وهھا بهحسا بوویهرێ کر "ئهز و ڤهھێل دگهل ٣ ھهڤالێن مه ژ مالێ دهرکهتین و مه گوت ئهم بچن بۆننێ شهڤا خوه دهرباز بکن، دهم نێزیکی ٤ دبه 4:30 یێ بهربانگێ (سبێ) ئهم ل نێزیکی پرا کهننهدی بوین، د دهمهکی دا ٣ خۆرت بو ئالیێ مه ڤه ھاتن، ھێرشی مه کرن سپرای ھاڤێتن مه، پر ل سهر وچاڤین ڤهھێل کهت و دهمل دهست ڤهھێل کهت ئهردێ ٢ کهس ژ وان کهتن سهر جانێ وی و ژ بو مرنێ لێخستن، ئێک ژی ب من ڤه مژول بو "
ھهڤالێ ڤهھێل، لێدان خاریه، بهرچاڤێ وی و سهرێ وی ژی، لێ لێدانهکا مینا یا ڤهھێل نه بویه.
داییکا ڤهھێل (رهفیقا) وهھا گوت "ئهڤه ١٥ ساله ئهم ل ئهلمانیا و ڤێ ھهرێمێ ژیان دکن ، تا نھا مه چ کێشه نه بونه ، ب تایبهت لاوێ من ڤهھێل ، ھیچ رۆژهکێ نامهک، جهم خواندنگهھ، پۆلیس یان ل جھهکێ دن بو مه نهھاتیه، کۆ بهحسا خرابیێن ڤهھێل کربیت، ئهز ژ کۆرێ خوه مهمنۆن بوم، لێ ئهڤ کهسێن نهنیاس، ب ھۆڤیتی ھێرش کرنه سهر و خستنه بهر مرنێ، بێیی کۆ ھیچ ئهگهرهک ھهبیت ".
Armanc Egîd
Elmaniya - Köln
